«Մանչեսթեր Սիթին» Դոնարումայի տրանսֆերի միջոցով ցանկանում է ռեկորդ սահմանել
Գվարդիոլան փնտրում է նոր դարպասապահ, ով կլուծի բոլոր խնդիրները: Եվ այդ պատճառով «Մանչեսթեր Սիթին» առաջին առաջարկությունն արել է «Միլանին»՝ 18-ամյա դարպասապահ Ջանլուիջի Դոնարումային ձեռք բերելու վերաբերյալ, հաղորդում է Sky Sport Italia-ն:
Ամռանը 18-ամյա տղայի համար «քաղաքայինները» պատրաստ են վճարել 120-150 մլն եվրո: Շատ բան կախված կլինի «Միլանի» հետ նոր պայմանագրից, որը Դոնարուման դեռ չի ստորագրել:
Պայմանագրի ստորագրման գործընթացը հետաձգել է Մինո Ռայոլան, ով սպասում է իտալական ակումբն ասիացի ղեկավարներին փոխանցելու գործընթացի ավարտին:
Իտալիայի 2016-17թթ. մրցաշրջանում Դոնարուման ունեցել է 10 չոր հանդիպում: Նրա հաշվին կա 2 խաղ Իտալիայի հավաքականի կազմում:
Պատրաստեց Անի Գաբուզյանը
