400 կիլոգրամ կշռող եգիպտուհին պարել է ստամոքսի վիրահատությունից հետո
Եգիպտուհի Էման Ահմեդ Աբ Էլ Աթին, որը համարվում է աշխարհի ամենածանր կանանցից մեկը, պարել է ստամոքսի հաջող վիրահատությունից հետո, որը նրան պետք է օգնի նիհարելու: Տեսագրությունը հրապարակել է midday հրատարակությունը։
Նա արաբական երաժշտության ներքո շարժումներ է արել Մումբայ քաղաքի հիվանդանոցի՝ իր անկողնում: Երգն իր հեռախոսով միացրել էր 37-ամյա եգիպտուհու քույրը:
Մարտի 10-ին հաղորդվել էր, որ հնդիկ բժիշկները հաջողությամբ վիրահատել են Էման Ահմեդին: Գաստրոպլաստիկայի միջոցով վիրաբույժները նրա ստամոքսի ծավալը փոքրացրել են 85 տոկոսով: Վիրահատությունը կնոջը կօգնի սահմանափակել գործածվող սննդի քանակը:
Փետրվարին Եգիպտոսի բնակչուհուն տարել են Հնդկաստան՝ բուժելու ճարպակալումից: Երբ նա ընդունվել է հիվանդանոց, նրա քաշը կազմել է շուրջ 500 կիլոգրամ:
