ԱՄՆ-ում Քիմ Քարդաշյանի գրքերը ոչնչացրած 74-ամյա տղամարդը ձերբակալվել է
Միացյալ Նահանգներում 74-ամյա տղամարդը ձերբակալվել է Հոլիվուդյան ռեալիթիշոուի աստղ Քիմ Քարդաշյանի գրքի`«Սելֆիշ»-ի մի քանի օրինակ ոչնչացնելու համար: Այս մասին հայտնում է Huffington Post-ը:
74-ամյա տղամարդը վնասել էր Քարդաշյանի սելֆիները (ինքնանկար) պարունակող գրքի վեց օրինակ` դրանց վրա կարմիր հեղուկ լցնելով:
Գլասթոնբերիի ոստիկանական բաժնից հայտնել են, որ տղամարդը գրքերի կողքին թողել էր մի երկտող, որտեղ նա հայտնում էր «իր հակակրանքը տիկին Քարդաշյանի և նրա նման մարդկանց նկատմամբ»:
19.99 ԱՄՆ դոլար արժեցող գրքի ոչնչացման համար ձերբակալված քաղաքացին ազատ է արձակվել 2 հազար 500 ԱՄՆ դոլարի դիմաց:
