Ով եք դուք՝ ստեղծագործ անհա՞տ, թե՞ կոնսերվատոր. ընտրեք բանալին ու իմացեք՝ ով եք
Ձեր մասին որևէ նոր և հետաքրքիր բան իմանալու համար բոլորովին էլ պարտադիր չէ դիմել հոգեբանների և էքստրասենսների օգնությանը։ Երբեմն բավարար է պարզ և ուրախալի թեստ անցնել։ Greatpicture.ru կայքը գրում է, որ հարկավոր է նայել լուսանկարին, ընտրել ձեզ դուր եկած բանալին և կարդալ՝ ինչ է նշանակում այդ ընտրությունը։
1. Ընտրել եք ամենապարզ բանալին։ Այս ընտրությունը ձեզ բնութագրում է՝ որպես ռացիոնալ և ստաբիլ մարդ։ Մանրուքների ետևից չեք ընկնում, ուղիղ մարդ եք։ Կյանքում ղեկավարվում եք բանականությամբ և ոչ թե զգացմունքներով։ Մտերիմները կարող են ձեզ ընդունել՝ որպես փակ մարդ։ Ինչ-որ առումով դա ճշմարտություն է, բայց այս վարքագիծը գիտակցված եք ընտրել։
2. Բարդ բանալին վկայում է այն մասին, որ ձեզ հետ հեշտ չէ։ Հնարավոր է՝ շատ խիստ եք վերաբերվում շրջապատին։ Այդ պատճառով որոշ մարդիկ աշխատում են խուսափել ձեզնից։ Ամենայն հավանականությամբ, ղեկավար պաշտոն եք զբաղեցնում, և ենթակաները հարգում են ձեզ, բայց նաև վախենում։ Ընդ որում, նույն խստությամբ վերաբերվում եք նաև ինքներդ ձեզ։ Թուլացեք։ Բոլորս էլ մարդիկ ենք, և ոչ թե՝ ռոբոտներ։
3. Այս ընտրությունը վկայում է այն մասին, որ լավատես եք, մարդ, ով ապում է հետևյալ սկզբունքով՝ ամեն ինչ դեպի դրականն է գնում։ Կյանքում այս սկզբունքը բազմաթիվ անգամներ է օգնել ձեզ։ Բայց հարկավոր է ուշադիր լինել. երբեմն լավատեսությունը կարող է չար կատակ խաղալ. կարող եք չնկատել լուրջ վտանգը, որը կարող է սպառնալ ձեզ։
4. Վառ և արտասովոր անձ եք։ Դրա մասին վկայում է ձեր կողմից ընտրված անսովոր բանալին։ Լի եք մտքերով և ոգեշնչմամբ։ Ամենայն հավանականությամբ, ձեր գործունեության ոլորտը կապված է ստեղծագործության հետ։ Մեծ պոտենցիալ ունեք, որը միշտ կարելի է ռեալիզացնել. բավարար է միայն ձեր ցանկությունը։ Աշխատեք չընկնել մանրուքների ետևից։
5. Ընտրել եք վստահելի բանալի, որը կբացի ցանկացած դուռ։ Սա նշանակում է, որ միշտ հասնում եք ուզածին։ Որևէ խոչընդոտ չի խանգարում ձեզ հասնել նպատակին։ Ուժեղ, խարիզմատիկ անձ եք։ Կախված չեք շրջապատի կարծիքից, հավատարիմ եք ինքներդ ձեզ և ձեր սկզբունքներին։ Հենց սա էլ ձեր թուլությունն է։ Հարկավոր է ժամանակ առ ժամանակ ընդունել սխալները։
6. Դասական բանալի եք ընտրել։ Բավական կոնսերվատիվ եք, պահպանում եք սահմանված նորմերը և դժվարությամբ եք տանում փոփոխությունները։ Ցանկացած շեղում ձեզ համար սթրես է։ Փորձեք փոխվել։ Առջևում ձեզ բազմաթիվ նոր բաներ են սպասվում, իսկ սթրեսը որևէ մեկի համար օգտակար չէ։
Նյութը հրապարակման պատրաստեց 168.am-ը
