Ուկրաինայի արևելքում մարտերը չեն դադարում
Ուկրաինայի արևելքում մարտերը չեն դադարում։ Ուկրաինայի ժամանակով ժ. 14.00-ի դրությամբ սպանվել է Ուկրաինայի զինված ուժերի 2 զինվորական, ևս 2-ը վիրավորվել է։
Այս մասին հայտնում է Հակաահաբեկչական գործողության մամուլի կենտրոնը Facebook-ի իր էջում։
Հաղորդվում է, որ «հակառակորդը շարունակում է ուկրաինական դիրքերի գնդակոծությունները Ավդեևկայում, Բուտովկա հանքի մերձակայքում, Մարյինկայում, Կրասնոգորովկայում, Նովոգրիգորովկայում՝ կիրառելով համազարկային կրակի ռեակտիվ համակարգեր, տանկեր, հրետանի, ականանետներ ու ինքնաձիգներ»։
