Ֆրանկֆուրտից ուղևորվող ինքնաթիռն ինքնասպան-ուղևորի պատճառով արտակարգ վայրէջք է կատարել «Շերեմետևոյում»
Ինքնաթիռը, որը Մայնի Ֆրանկֆուրտից ուղևորվում էր չինական Չենդու, ինքնասպանություն գործել ցանկացող ուղևորի պատճառով արտակարգ վայրէջք է կատարել Մոսկվայի «Շերեմետևո» օդանավակայանում։
Արտակարգ դեպքի պատճառը դարձել է ինքնասպանության փորձը։ Ուղևորուհիներից մեկը փորձել է ինքնասպան լինել ինքնաթիռի զուգարանում։
Վայրէջքից հետո China Eastern Airlines-ի ինքնաթիռ է բարձրացել ռեանիմատոլոգների բրիգադը։ Կնոջը տեղափոխել են հիվանդանոց, հայտնում է «Մոսկվա» գործակալությունը։
