Հնդկաստանում գնացք է վթարի ենթարկվել, կան զոհեր
Հնդկաստանի Ուտտար-Պրադեշ նահանգում գնացքը դուրս է եկել ռելսերից, ինչի հետևանքով 2 մարդ զոհվել է, ևս 43-ը վիրավորվել է։ Բոլոր տուժածները հոսպիտալացվել են, հայտնում է Times of India-ն։
Դեպքը տեղի է ունեցել դեկտեմբերի 28-ի վաղ առավոտյան՝ Կանպուր քաղաքից 50 կմ հեռավորության վրա։
Ռելսերից դուրս է եկել 15 վագոն, վթարի պատճառները դեռ հայտնի չեն։
Դեպքի վայրում կատարվում են փրկարարական աշխատանքներ, աղետի վայր են ուղարկվել փրկարարական հավելյալ ջոկատներ։
