Թուրքիան, ՌԴ-ն ու Իրանը Սիրիայի հարցով հանդիպում կանցկացնեն
Թուրքիայի, Ռուսաստանի, Իրանի ներկայացուցիչները դեկտեմբերի 27-ին Մոսկվայում հանդիպում կունենան սիրիական կարգավորման հարցով։ Այս մասին, ինչպես հայտնում է Anadolu գործակալությունը, հայտարարել է Թուրքիայի ԱԳՆ ղեկավար Մևլյութ Չավուշօղլուն։
«Մենք անում ենք հնարավոր ամեն բան, որ սկսվեն քաղաքական կարգավորման և հրադադարի բանակցությունները ողջ Սիրիայում, մոտ ժամանակներս այդ ջանքերը կշարունակվեն։ Դրա հետ կապված՝ դեկտեմբերի 27-ին Մոսկվայում մենք հանդիպում կունենանք Ռուսաստանի, Թուրքիայի և Իրանի մասնակցությամբ»,- հայտարարել է Թուրքիայի ԱԳՆ ղեկավարը։
Ընդ որում՝ նա չի նշել, թե ինչ ձևաչափով է կայանալու հանդիպումը և ովքեր են մասնակցելու։
