Կենդանաբանական այգու աշխատակցուհին գորիլլային «որդեգրել» է
Բրիստոլի կենդանաբանական այգու աշխատակիցներն ամբողջությամբ իրենց վրա են վերցրել նորածին գորիլլայի խնամքը, քանի դեռ նրա մայրը չի վերականգնվել կեսարյան հատումից հետո:
Պարզվել է, որ նորածին երեխաների եւ գորիլլայի ձագի խնամքի միջեւ տարբերություններն այնքան էլ մեծ չեն:
Կենդանաբանական այգու կաթնասունների գծով մասնագետ Լինզի Բագը BBC-ին պատմել է, որ ինքը կապիկին գիշերելու է տանում իր տուն եւ քնում է նրա կողքին այն դեպքում, երբ նրա երկու սեփական երեխաներն ու ամուսինը քնում են մյուս հարկում:
