Մեր ոլորտում Դուք մշտապես կարևոր դերակատարում եք ունեցել, և այսօր էլ հաջողված պատմություններ ունեցող շատ նախաձեռնությունների հեղինակները հենց Դուք եք:
ՀՀ կառավարությունն Ազգային անվտանգության ծառայությանը կհատկացնի 612,9 մլն դրամ` «Հարավկովկասյան երկաթուղի» ՓԲԸ-ի կողմից ՀՀ տարածքում երկաթուղով իրականացվող միջպետական ռազմական փոխադրումների, երկաթուղային կայարաններում կատարվող սպասարկումների և մատուցվող ծառայությունների դիմաց 2015-ի 4-րդ եռամսյակում կատարված ծախսերի փոխհատուցման նպատակով: «Արմենպրես»-ի հաղորդմամբ` այդ մասին որոշման նախագիծն ընդգրկված է կառավարության մարտի 10-ի նիստի օրակարգում:
Եվրամիության երկրները Բրյուսելում այսօր կայանալիք գագաթաժողովի ժամանակ մտադիր են «բալկանյան երթուղին» փակ հայտարարել՝ նպատակ ունենալով խոչընդոտել Հունաստանից ներգաղթյալների ու փախստականների մուտքին Եվրամիության երկրներ:
Գերմանիայի առաջնության 25-րդ տուրում Դորտմունդի «Բորուսիան» ոչ-ոքի խաղաց «Բավարիայի» հետ (0:0), «Աուկսբուրգը»` «Բայերի» հետ (3:3), իսկ «Վոլֆսբուրգը» հաղթեց Մյունխենգլադբախի «Բորուսիային» (2:1):
Այսօր Փարիզում՝ ԵԽԽՎ կոմիտեի իրավական հարցերի ու մարդու իրավունքների հարցով նիստում, հրապարակվել է Ադրբեջանի հարցով նոր զեկուցողի անունը:
Վլադիմիրում LifeNews-ի քաղաքացիական լրագրողը տեսախցիկի վրա նկարահանել եւ LifeCorr-ի հավելվածով ուղարկել է տղայի վրա առյուծի ձագի հարձակման տեսագրությունը: Արտակարգ պատահարը տեղի է ունեցել այն ժամանակ, երբ գիշատչին վզափոկով զբոսնելու էին հանել շարժական կենդանաբանական այգում:
ՀՀ քննչական կոմիտեի Գեղարքունիքի մարզային քննչական վարչությունում քննված և մեղադրական եզրակացության կազմմամբ Գեղարքունիքի մարզի ընդհանուր իրավասության դատարան ուղարկված քրեական գործով ամբաստանյալներ Դավիթ Դ.-ն, Արգեն Բ.-ն և Աշոտ Հ.-ն հայտնել են հատուկ ծառայություն իրականացնող անձանց կողմից առերևույթ բռնության գործադրմամբ զուգորդված պաշտոնեական լիազորություններն անցնելու վերաբերյալ տվյալներ:
168.am-ի հետ զրույցում «Ժառանգություն» կուսակցության փոխնախագահ Արմեն Մարտիրոսյանը նշեց, որ թեկնածու-ներկայացուցիչներ նշված ընտրատարածքներում չունեն. «Ներկայացուցիչներ ունենք, բայց ոչ թեկնածու: Այս ընտրություններում թեկնածություն չենք առաջադրելու և որևէ մեկին չենք սատարելու: Աշնանը Վանաձորում և Գյումրիում կայանալիք ՏԻՄ ընտրություններին կքննարկենք և, ամենայն հավանականությամբ, կմասնակցենք, որովհետև Գյումրիում և Վանաձորում լավ ներկայացուցիչներ ունենք: Բացի այդ` որոշակիորեն քաղաքացիական դաշտեր կան այդ երկու քաղաքներում, և մեզ համար միշտ հոգեհարազատ շրջանակ է եղել համագործակցության համար: Այնտեղ կմասնակցենք, իսկ մնացած տեղերում՝ հետագան ցույց կտա: Համենայնդեպս, ապրիլին չենք մասնակցելու»:
Կիեւում ձերբակալվել է 9-րդ խումբը, որը զբաղվել է ավտոմեքենաների գողությամբ եւ նրանց մասերի իրացմամբ:
Համաշխարհային բանկը հրապարակել է իր ամենամսյա տնտեսական տեղեկագիրը՝ Հայաստանի մակրոտնտեսական ցուցանիշների վերաբերյալ։
Ռուսաստանի նախագահ Վլադիմիր Պուտինը և Եգիպտոսի նախագահ Աբդել Ֆաթթահ ալ-Սիսին հեռախոսազրույցի ժամանակ քննարկել են երկու երկրների միջև թռիչքների վերսկսման հնարավորությունը:
Հայաստանում տրանսպորտային միջոցների համարանիշերում օգտագործվող միայն «A», «C», «D», «F», «L», «M», «N», «O», «P», «Q», «R», «S», «T», «U», «V» և «Z» տառերին կավելանան նաև «G» և «X» տառերը:
Երևանի Ազատության հրապարակում մարտի 6-ին ոստիկանները կանխել են 38-ամյա տղամարդու ինքնահրկիզման փորձը:
Իրանցի միլիարդատեր, գործարար Բաբակ Զանջանին, ով Իրանի իշխանությունների կողմից մահվան է դատապարտվել նավթի վաճառքից գոյացած եկամուտները թաքցնելու մեջ, մտադիր է բողոքարկել իրեն մահապատժի ենթարկելու դատավճիռը։ Այդ մասին, ինչպես հաղորդում է Interfax-ը, իրանական լրատվամիջոցներին հայտնել է նրա փաստաբան Ռասուլ Քուփայեզադեն:
Իտալիայի առաջնության 28-րդ տուրում «Ռոման» հաղթեց «Ֆիորենտինային» (4:1), «Նապոլին»` «Կիևոյին» (3:1), իսկ «Յուվենթուսը»` «Ատալանտային» (2:0):
Իրանական հում նավթի վաճառքները շուտով կարող են հասնել օրական 2 մլն բարելի: Այս մասին հայտարարել է Իրանի Իսլամական Հանրապետության էկոնոմիկայի ու ֆինանսների նախարար Ալի Տաեբնիան՝ մեկնաբանելով հունվարին Թեհրանի նկատմամբ պատժամիջոցների չեղարկումից հետո երկրի ձեռքբերումներն ու պլանները, հայտնում է իրանական Shana գործակալությունը:
Թուրքիան խորացրել է համագործակցությունը ԿՀՎ-ի և ԱՄՆ-ի մյուս հատուկ ծառայությունների հետ՝ ստեղծելով համատեղ գաղտնի կոորդինացիոն կենտրոն, գրում է The Washington Post-ը:
«Վստահաբար կարելի է ասել, որ տեղում մարտնչող Թուրքիայի իրավապահ ուժերի աջակցության դեպքում դա հնարավոր կլիներ անել, սակայն չկա այդ աջակցությունը, այդ ուժերն այսօր ևս անվերահսկելի են»,- ասաց Էստուկյանը` շարունակելով, որ այս դեպքում հարկ է սպասել:
Օդաչուն հաղորդագրություն է ուղարկել կնոջը, որտեղ գրել է, որ կկործանի ինքնաթիռը Հռոմից Ճապոնիա թռիչքի ժամանակ, որտեղ գտնվել է 200 ուղևոր: Սակայն, ըստ պարբերականի, օդաչուի կինը հասցրել է վտանգի մասին տեղեկացնել Հռոմի «Ֆլյումիչինո» օդանավակայանի աշխատակիցներին:
Պակիստանի Հայբեր-Պախտուվա նահանգում մահապարտի հարձակման հետևանքով, որը տեղի է ունեցել դատարանի շենքի մոտ, սպանվել է 10 մարդ, ավելի քան 10-ը վնասվածք է ստացել: Ինչպես հայտնում են տեղի ԶԼՄ-ները, ոստիկանները հայտնաբերել էին մահապարտին դատարանի դարպասների մոտ, երբ նա փորձել է դատարան մտնել լսումների ժամանակ ու կրակ էին բացել, ինչի հետևանքով նրա վրա տեղադրված պայթուցիկը գործի է դրվել:
Թբիլիսիի քաղաքային դատարանն այսօր 14 տարվա ազատազրկման է դատապարտել Պանկիսի կիրճի բնակիչ Այուֆ Բորչաշվիլիին, ում ձերբակալել էին ԴԱԻՇ-ի անդամ լինելու և հավաքագրմամբ զբաղվելու համար, հայտնում է «Գրուզիա օնլայնը»:
Բասկովի կենդանի հնչողությամբ համերգային շոուն, ինչպես միշտ, շատ գեղեցիկ էր կազմակերպված, երգիչը ոչ միայն պրոֆեսիոնալ կատարումներով էր հիացրել հանդիսատեսին, այլև իր հետ հանդես եկող պարային խմբով և բեմական արտիստիզմով: Նա և շփվում էր հանդիսատեսի հետ, և կատակում, պատմություններ պատմում իր և ռուսաստանյան շոու-բիզնեսի այլ արտիստների կյանքից:
Ադրբեջանի նախագահ Իլհամ Ալիևն այսօր ընդունել է այցով Ադրբեջանում գտնվող Վրաստանի արտգործնախարար Միխայիլ Ջանելիձեին, հայտնում է APA-ն՝ հղում կատարելով Ադրբեջանի նախագահի պաշտոնական կայքին:
Անցած շաբաթ հրապարակվեց «Ընտրական օրենսգրքի» նոր նախագիծը: Հրապարակվեց ոչ թե Հայաստանի կառավարության, Ազգային ժողովի կամ որևէ այլ գերատեսչության, այլ Վենետիկի հանձնաժողովի կողմից: Միայն դրանից հետո և կառավարության օրակարգում ընդգրկվելուց ժամեր առաջ այն հրապարակվեց նաև պաշտոնապես: Կառավարությունն ընդունեց և ուղարկեց Ազգային ժողով, որը մինչև հունիսի 1-ը պետք է ընդունի նոր՝ խորհրդարանական կառավարման կարգ ամրագրող Ընտրական օրենսգիրքը: Ինչո՞ւ Ընտրական օրենսգրքի նախագիծը Վենետիկի հանձնաժողով ուղարկվեց՝ առանց Հայաստանի քաղաքական ուժերի, քաղաքացիական հասարակության հետ քննարկելու, որքանո՞վ են դրանում հաշվի առնվել տարիներ շարունակ հնչեցված մտահոգություններն ու առաջարկները: Այս մասին է մեր զրույցն Ազգային ժողովի աշխատակազմի ղեկավար, Ընտրական օրենսգրքի համահեղինակներից Հրայր Թովմասյանի հետ:
Մարտի 9-ին ՆԱՏՕ-ի կենտրոնակայանում կայանալիք Հայաստան + 28 ձևաչափով Հյուսիսատլանտյան խորհրդի նիստին մասնակցելու նպատակով Հայաստանի արտաքին գործերի նախարար Էդվարդ Նալբանդյանը և պաշտպանության նախարար Սեյրան Օհանյանը կայցելեն Բրյուսել։
Ֆրանսիայի արտգործնախարար Ժան-Մարկ Էյրոն դժգոհություն է հայտնել թուրքական իշխանությունների որոշման առնչությամբ՝ հսկողություն սահմանել ընդդիմադիր Zaman թերթի նկատմամբ, հայտնում է Reuters-ը:
Ցանկանում եմ բոլորիդ բազում գարուններ՝ ողողված սիրով, բուրավետ ծաղիկների բույրով, ներդաշնակ գույներով:
Օռլովի մարզում մարտի 6-ին հուղարկավորել են Մոսկվայում ուզբեկ դայակի կողմից սպանված ռուս աղջկան: Այս մասին «Նորությունների ռուսական ծառայությանը» հայտնել է ընտանիքի ընկերը՝ Անդրեյ Միշչենկովը:
Եվրոպայի խորհրդի խորհրդարանական վեհաժողովի հայաստանյան պատվիրակության անդամ Սամվել Ֆարմանյանն առաջարկել է խորհրդարանական վեհաժողովների հեռացող անդամների գործունեության սառեցման ժամանակահատված սահմանել` շահերի բախումներից խուսափելու համար:
Հայաստանի կառավարության հաստատմանն է ներկայացվել ԵԱՏՄ տարածքից ներկրվող ավտոմեքենաների համար ֆիզիկական անձանցից գանձվող ավելացված արժեքի հարկի դրույթը վերացնելու օրենքների նախագծերի նոր փաթեթ:
