Ռուսաստանի ու Եգիպտոսի նախագահները քննարկել են Եգիպտոս թռիչքների վերսկսման հնարավորությունը
Ռուսաստանի նախագահ Վլադիմիր Պուտինը և Եգիպտոսի նախագահ Աբդել Ֆաթթահ ալ-Սիսին հեռախոսազրույցի ժամանակ քննարկել են երկու երկրների միջև թռիչքների վերսկսման հնարավորությունը, հայտնում է LifeNews-ը:
«Նշվել է բոլոր անհրաժեշտ պայմանների ստեղծման կարևորությունը Եգիպտոս ռուսական ինքնաթիռների թռիչքների վերսկսման և զբոսաշրջային փոխանակման համար»,- ասվում է Կրեմլի մամուլի հաղորդագրության մեջ:
Զրույցի ժամանակ քննարկվել են նաև ռուս-եգիպտական հարաբերություններին, այդ թվում՝ ռազմատեխնիկական համագործակցությանն առնչվող հարցեր:
Հիշեցնենք, որ 2015թ. ռուսների համար փակվել են հանգստի երկու ամենահայտնի ուղղությունները՝ Եգիպտոսն ու Թուրքիան:
