«Սեպտեմբերի 24-ին բերդավանցիների կողմից թույլատրված խախտումների համար տուգանքներ չեն կիրառվի». «Ժողովուրդ»
ra«Ժողովուրդ» թերթը գրում է. «Տավուշի մարզի Նոյեմբերյանի տարածաշրջանի սահմանամերձ Բերդավան գյուղի տարածքում, Հայաստան-Վրաստան միապետական ավտոճանապարհին գործում է արագաչափ։ Ի տարբերություն Նոյեմբերյանի տարածաշրջանի Ջուջևան և Իջևանի տարածաշրջանի Սարիգյուղ բնակավայրերում տեղադրված, բայց չգործող արագաչափերի՝ Բերդականի արագաչափը գործում է։ Սեպտեմբերին 24-ին Բերդականը ադրբեջանական զինուժի կողմից ուժգին հրետակոծվեց, բերդավանցի 2 կին արկերի բեկորներից զոհվեց, գյուղի 2 այլ բնակիչ էլ վիրավորվեց։ Բերդավանցիները կրակի տակ շտապ կերպով իրենց երեխաներին տարհանեցին գյուղից, հասցրին ապահով վայրեր։
Բերդավանի գյուղապետ Արարատ Գաբրիելյանը «Ժողովուրդի» հետ զրույցում նշեց, թե հնարավոր է, որ այդ օրը գյուղի տարածքում տեղադրված արագաչափը տեսանկարած լինի իր ծառայողական ավտոմեքենայի կողմից թույլատրելի արագության գերազանցումը, քանի որ շտապ հիվանդանոց հասնելու խնդիր կար։ Նա ասաց, որ ինքը հեռախոսազրույց է ունեցել Հայաստանի պետավտոտեսչության պետի տեղակալի հետ, ով հավաստիացրել է, որ սեպտեմբերի 24-ին բերդավանցիների կողմից թույլատրված խախտումների համար տուգանքներ չեն կիրառվի։ Համայնքի ղեկավարին հարցրինք սահմանամերձ գյուղում արագաչափ տեղադրելու նպատակի հարմարության մասին։ Ա. Գաբրիելյանն ասաց, որ Բերդավանում արագաչափն օգտակար է, քանի որ նախկինում, երբ այն տեղադրված չէր. գյուղի ավտոկանգառի մոտ մեծ արագությամբ սլացող մեքենաները մի քանի վթարի պատճառ են դարձել։ Նրա խոսքերով՝ արագաչափի առկայությունը զսպում Է բարձր արագության սիրահարներին»։
Ամբողջությամբ կարող եք կարդալ «Հայկական Ժամանակ» թերթի այսօրվա համարում:
