Մարտակերտի մի խումբ մեղվաբույծներ մեթոդական օգնություն են ստացել
Գյուղատնտեսության նախարար Արամ Մխոյանի հրավերով համապատասխան մասնագետների հետ նախօրեին Մարտակերտ է այցելել ՀՀ մեղվաբույծների ֆեդերացիայի խորհրդի անդամ Գուրգեն Հուսյանը:
ԼՂՀ գյուղատնտեսության փոխնախարար Կարեն Աղաջանյանի ուղեկցությամբ նրանք եղել են Մարտակերտում, որտեղ շուրջ երեք տասնյակ տեղացի մեղվաբույծների հետ կիսվել են իրենց փորձով՝ ցուցաբերելով նաև անհրաժեշտ մեթոդական օգնություն:
ԼՂՀ գյուղատնտեսությքան նախարարության մամլո ծառայության փոխանցմամբ՝ հանդիպումների ընթացքում խոսվել է փոխշահավետ համագործակցության մասին, և այդ նպատակով որոշվել է ստեղծել աշխատանքները համակարգող մարմին:
