Հռոմը կավելացնի զբոսաշրջային հարկը 2016 թվականին
Հռոմի իշխանությունները դարձյալ պատրաստ են բարձրացնել զբոսաշրջիկների հարկերը հոբելյանական՝ 2016 թվականին:
Յուրաքանչյուր ավտոբուսից, որը կտեղափոխի զբոսաշրջիկներ, արդեն այս դեկտեմբերին կգանձվի 1000 եվրո վճար՝ քաղաքի կենտրոն, օրինակ՝ Վատիկան այցի համար:
Ներկայիս գների հետ համեմատած (200 եվրո)՝ Հռոմի կենտրոնով անցնելու թույլտվության ստացումն ահռելի է:
Տուրօպերատորներն ու ճանապարհորդությունների բյուրոներն արդեն իրենց վրդովմունքն են հայտնել վճարի ավելացման վերաբերյալ:
Հերթական ավելացումը գումարվել է Հռոմում գիշերելու վճարին, որն անցած տարի ավելացել է կրկնակի, գրում է Telegraph-ը:
Եվրոպական տուրիզմի ETOA ասոցիացիան արդեն հաշվարկել է, որ համաձայն նոր կանոնների, Հռոմում գիշերելը զբոսաշրջիկներին կարժենա, բացի սնվելուց ու գիշերելուց, հավելյալ 33 եվրո՝ որպես հարկ:
