Ռուսաստանն աջակցում է Ադրբեջանին. Ադրբեջանում Ռուսաստանի դեսպան
Ռուսաստանը ներկայիս միջազգային իրավիճակում իր աջակցությունն է ցուցաբերում Ադրբեջանին: Ինչպես հայտնում է haqqin.az-ը, այս մասին Բաքվում հայտարարել է Ադրբեջանում Ռուսաստանի դեսպան Վլադիմիր Դորոխինը Վետերանների կազմակերպության միջոցառման ժամանակ:
«Մենք՝ բոլորս, ձեզ հետ ենք, մենք ձեզ աջակցում ենք: Մենք ուզում ենք, որ Ադրբեջանը լինի ուժեղ, կայուն»,- ասել է նա:
Ռուս դեսպանի խոսքով՝ Ռուսաստանը բարձր է գնահատում այն, որ Ադրբեջանն այդպիսին է ու խոսում է իսկական ինքնիշխան պետության ձայնով:
«Ադրբեջանն ընթանում է իր ճանապարհով, ու տա Աստված, որ այդպես էլ հետագայում լինի: Ռուսաստանը շահագրգռված է, որ մեր հարավային հարևանը լինի հուսալի ու որ նրա վրա կարողանանք հույս դնել»,- հայտարարել է Ադրբեջանում Ռուսաստանի դեսպանը:
