Ֆինները թողարկել են ոսկեպատ ու ադամանդապատ iPhone 6s
Ֆիննական Legend ընկերությունն սկսել է Iphone 6s-ի կորպուսը ոսկով ու ադամանդներով պատելու պատվերներ վերցնել, գրում է GSMArena-ն:
Ոսկերչական սարքը հասանելի կլինի գնորդներին երկու տարբերակով՝ Classique ու Momentum:
Առաջինը գրեթե ամբողջությամբ կրկնօրինակում է օրիգինալ սարքը թանկարժեք մետաղներով, երկրորդը հավելյալ զարդարված է ադամանդներով ու ոսկեգույն ոսկուց լոգոտիպով ու կոկորդիլոսի կաշվից նախշերով:
Legend-ի սմարթֆոնների հետ կմատակարարվեն նաև ոսկեգույն ականջակալներ ու կաշվե պատյան:
Բազային Classique վարկածի արժեքը կազմում է մոտավորապես 2,9 հազար եվրո, իսկ ադամանդապատ Momentum-ը կարժենա 3,8 ու 13,5 հազար եվրո:
