Առաջիկա օրերին օդի ջերմաստիճանը կնվազի 5-7 աստիճանով. tert.am
Առաջիկա 5 օրերին եղանակակլիմայական փոփոխություններ պետք է սպասել միայն Լոռիում, Տավուշում, Սյունիքում և Արցախում: Սեպտեմբերի 18-ին ՀՀ կներթափանցեն արկտիկական ցուրտ օդային հոսանքներ, ինչի արդյունքում օդի ջերմաստիճանը կնվազի 5-7 աստիճանով, իսկ մյուս շրջաններում օդի ջերմաստիճանը կնվազի 2-3 աստիճանով. այս մասին Tert.am-ին ասել է Հայաստանի տարածքային կառավարման և արտակարգ իրավիճակների նախարարության հիդրոօդերևութաբանական ծառայության օդերևութաբանության կենտրոնի պետի տեղակալ Գագիկ Սուրենյանը:
Ըստ նրա՝ սեպտեմբերի 17-21-ին սպասվում է քիչ ամպամած առանց տեղումների եղանակ: Օդի ջերմաստիճանն այսօր և վաղը ցերեկը կտատանվի +30…+32, իսկ սեպտեմբերի 18-21-ին +28…+30 աստիճանի սահմաններում:
