Փոթիում երկաթուղային վթարի հետևանքով 5 մարդ է տուժել
Փոթիի շտապօգնության ծառայության տեղեկությունների համաձայն՝ երեկ Փոթիի երկաթուղային կայարանում գնացքի ու ջերմաքարշի բախման հետևանքով 5 մարդ է տուժել, նրանցից 4-ն արդեն տեղափոխվել են ստացիոնար, նրանց կյանքին ոչինչ չի սպառնում: Այս մասին հայտնում է «Գրուզիա օնլայնը»:
Նշվում է, որ տուժածները թեթև վնասվածքներ էին ստացել:
Կատարվում է հետաքննություն՝ պարզելու տեղի ունեցածի պատճառը:
Դեպքի հետ կապված՝ հայտարարություն է տարածել նաև «Վրաստանի երկաթուղիները», որում ասվում է, որ ուղևորատար գնացքի ու ջերմաքարշի բախման պատճառը մասնավոր ընկերության ներկայացուցիչների կողմից երթևեկության կանոնների խախտումն է:
