Հանրային հեռուստաընկերությունը ուղիղ եթերով կհեռարձակի Սահմանադրության փոփոխությունների նախագծի քննարկումներին նվիրված ԱԺ նիստերը

Հաշվի առնելով սահմանադրական բարեփոխումների նշանակությունը մեր երկրի հետագա զարգացման հարցում, կարեւորելով Սահմանադրության փոփոխությունների նախագծի խորհրդարանական քննարկումների դերը եւ ընդունելով Ազգային ժողովի նախագահ Գալուստ Սահակյանի հորդորը՝ Հայաստանի հանրային հեռուստառադիոընկերությունը հանձնառություն է ստանձնել սեպտեմբերի 16-ից իրականացնել ՀՀ Ազգային ժողովում սահմանադրական բարեփոխումների քննարկումներին նվիրված նիստերի ուղիղ հեռարձակումը Հանրային հեռուստաընկերության եթերում:

Հիշեցնենք, որ Ազգային ժողովը քառօրյա նիստերի աշխատանքը կշարունակի սեպտեմբերի 16-ին՝ ժամը 12:00-ին:

ՀՀ ԱԺ հասարակայնության և տեղեկատվության միջոցների հետ կապերի վարչություն