Թուրքիայում դարձյալ ոստիկանական զրահամեքենա է պայթեցվել, կան զոհեր
Թուրքիայի Մարդին նահանգում հերթական ահաբեկչական գործողությունն է կատարվել, հայտնում են թուրքական ԶԼՄ-ները:
Նրանց հաղորդմամբ՝ «Քրդստանի աշխատավորական» կուսակցության (PKK) զինյալները Նուիսայբին շրջանում պայթեցրել են ոստիկանական զրահամեքենա, ինչի հետևանքով զոհվել է 3 ոստիկան:
Նշվում է, որ զինյալները պայթեցրել են նախապես ճանապարհին տեղադրված սարքը, երբ մեքենան անցել է այդ հատվածով:
PKK-ի զինյալներին հայտնաբերելու լայնամասշտաբ գործողություններ են իրականացվում, շրջանը վերցվել է հսկողության տակ:
