Փոխնախարարը բարկացրեց Մանվել Բադեյանին
Ինչո՞ւ են դեղորայքի գները այդքան տարբեր Վրաստանում և Հայաստանում: Այս հարցն այսօր ԱԺ Առողջապահության, մայրության և մանկության հարցերի մշտական հանձնաժողովի նիստում ՀՀԿ պատգամավոր Մանվել Բադեյանն ուղղեց առողջապահության փոխնախարար Սերգեյ Խաչատրյանին:
«Գիտեք, կան բաներ, որոնց մենք ևս բացատրություն չունենք: Դրա պատճառներից մեկը կարող է լինել ԱԱՀ-ն, որը Վրաստանում ցածր է»,- փորձեց արդարացում գտնել Ս.Խաչատրյանը: «Չկա նման բան՝ իրենց մոտ ԱԱՀ-ն 18 % է, մեզ մոտ՝ 20 %: Ինձ տնտեսագիտություն մի բացատրեք, ես դա շատ լավ գիտեմ: Դա գործոն չէ, ուրիշ բան ասեք»,- հակադարձեց Մ.Բադեյանը:
