«Լուսակերտ» ՍՊԸ-ում տղամարդկանց «պռոշտին» արգելված է
Ֆեյսբուքյան օգտատերերից մեկը տարածել է «Լուսակերտ» ՍՊԸ տնօրեն Մանասե Եփրեմյանի ստորագրությամբ հրամանի մի լուսանկարը: Պարզվում է՝ տնօրեն Մանասե Եփրեմյանը հատուկ հրաման է արձակել այն մասին, որ ընկերության տարածքում «տղամարդկանց պռոշտին» արգելված է: Իսկ նրանք, ովքեր կշրջանցեն այդ հրամանն ու կշարունակեն ընկերության տարածքում «պռոշտի» անել՝ կտուգանվեն 15 000 դրամի չափով: Սակայն սա ամենը չէ: Պարզվում է՝ տնօրենը սպառնում է 5000-ական դրամով տուգանել բոլոր այն աշխատակիցներին, որոնք այդ խախտումը կտեսնեն ու իրեն չեն տեղեկացնի: Իսկ նրանք, ովքեր այդ խախտումներ անողների անունները կզեկուցեն տնօրենին՝ կպարգևատրվեն 5000 դրամի չափով:
