«Ոստիկաններն անհամաչափ ուժ են կիրառել Հիմնադիր խորհրդարանի աջակից Վահրամ Պետրոսյանի նկատմամբ»
Հիմնադիր խորհրդարանի քարտուղարությունը հաղորդագրություն է տարածել, որում ասված է. «Այսօր՝ սեպտեմբերի 1-ին, ժամը 17:30-ի սահմաններում, Մարշալ Բաղրամյան պողոտայում «Ոչ թալանին» նախաձեռնության կազմակերպած անհնազանդության ակցիայի ժամանակ ոստիկաններն անհամաչափ ուժ են կիրառել Հիմնադիր խորհրդարանի աջակից Վահրամ Պետրոսյանի նկատմամբ՝ աչքի շրջանում հասցնելով մարմնական վնասվածք: Ներկայումս Վահրամ Պետրոսյանին բուժօգնություն են ցուցաբերում»:
