«էս էրեխեն ստեղ արյունլվա մեռնում է, դուք ձեր հավեսով եք գալիս». պատահար Խանջյան փողոցում
Այսօր Խանջյան փողոցը հատելիս մոտավորապես 20 տարեկան էպիլեպտիկ հիվանդ մի աղջկա ինքնազգացողությունը վատացել էր ու նա հենց փողոցի մեջտեղում վայր էր ընկել՝ վնասելով դեմքի ձախ հատվածը: Աղջիկը պառկած էր փողոցի մեջտեղի հատվածում՝ անշարժ և դեմքն ամբողողջությամբ արյունոտված: Նրա շուրջը հավաքված մարդիկ, տեսնելով, որ իրենց կանչած շտապօգնության մեքենան ուշանում է, աղջկան պառկացրեցին մայթին, որպեսզի արևի տակ երկար չմնա: Նշենք, որ աղջիկը չէր կարողանում խոսել և միայն ձեռքերով շարժումներ էր անում:
Շտապ-օգնության մեքենան ժամանեց 20 րոպե ուշացումով, թեպետ կանչ գրանցած կանացից մեկն անընդհատ զանգում էր ու ներկայացնում, որ աղջիկը ծայրահեղ ծանր վիճակում է: Երբ բժիշկները մոտեցան հիվանդին, այդ կինը հետաքրքրվեց՝ ինչո՞ւ ուշացան՝ «Էս էրեխեն ստեղ արյունլվա մեռնում է, դուք ձեր հավեսով եք գալիս»: Սակայն շտապ-օգնության բժիշկն ասաց, որ պետք չէ բողոքներն իրեն ուղղել, այլ համապատասխան տեղ՝ շտապ-օգնության ծառայություն:
Աղջկան շտապօգնության մեքենայով հիվանդանոց տեղափոխեցին:
