Համացանցում հայտնվել է Ալիևի կողմից հայազգի բռնցքամարտիկ Գևորգ Մանուկյանին պարգևատրելու տեսագրությունը
Համացանցում հայտնվել է տեսագրություն, որտեղ երևում է, թե ինչպես է Ադրբեջանի նախագահ Իլհամ Ալիևը ձեռքի շարժումով կասեցնում Ուկրաինան ներկայացնող հայազգի մարզիկ, 91 կգ քաշային կարգում հանդես եկող Գևորգ Մանուկյանի հասցեին հնչող սուլոցները, հայտնում է nv.ua-ն:
Ալիևի ռեակցիան ստիպել է Բաքվի դահլիճում հավաքվածներին լռել, երբ հնչել է Մանուկյանի անունը, ով արժանացել էր արծաթե մեդալի:
Դեպքը տեղի է ունեցել Բաքվի Եվրոպական խաղերում բռնցքամարտի մարզիկներին պարգևատրելու արարողության ժամանակ:
