Թուրքիայի խորհրդարանական ընտրությունների հետաձգման մասին խոսք անգամ լինել չի կարող. Էրդողան
Թուրքիայի խորհրդարանական ընտրությունների հետաձգման մասին խոսք անգամ լինել չի կարող` կապված նախօրեին երկրի Դիարբեքիր քաղաքում «ժողովրդա-դեմոկրատական» կուսակցության նախընտրական հանրահավաքի ժամանակ որոտացած երկու պայթյունների հետ: Այս մասին Թուրքիայի նախագահ Ռեջեփ Թայիփ-Էրդողանն այսօր հայտարարել է թուրքական A Haber հեռուստաալիքի հետ զրույցում:
Հիշեցնենք, որ երեկ քրդամետ «ժողովրդա-դեմոկրատական» կուսակցության հանրահավաքում պայթյուններ էին որոտացել, ինչի հետևանքով զոհվել էր 2 մարդ, տուժել` մոտ 100-ը:
Վաղը` հունիսի 7-ին, Թուրքիայում կանցկացվեն խորհրդարանական ընտրություններ, որին կմասնակցի 20 կուսակցություն, քվեարկությանը կմասնակցի 53 միլիոն 765 հազար 231 ընտրող: