Անհրաժեշտ է շարունակել ճնշումը Ռուսաստանի վրա. Ջոն Քերի
France-Presse լրատվական գործակալության փոխանցմամբ` ԱՄՆ պետքարտուղար Ջոն Քերին հայտարարել է, որ Ռուսաստանը բավականաչափ ջանքեր չի գործադրում Ուկրաինայի վերաբերյալ մինսկյան համաձայնագրերի իրագործման համար:
Քերին ընդգծել է, որ դրա հետ կապված` չի դիտարկվում պատժամիջոցների վերացման հարցը. «Ներկա պահին պատժամիջոցների չեղյալ հայտարարման մասին ռուսական կողմի ցանկությունը մատչելի չէ: Անհրաժեշտ է շարունակել ճնշումը Ռուսաստանի վրա»:
Ապրիլի 22-ին Ջոն Քերին Ուկրաինայի հարցը քննարկել էր Ռուսաստանի արտգործնախարար Սերգեյ Լավրովի հետ` նրան կոչ անելով ճնշում գործադրել Դոնբասի անջատողականների վրա, որպեսզի նրանք պահպանեն հրադադարի ռեժիմը:
