Պայթյուն Սանահինի խանութում. վնասվել են գույքն ու ապրանքները
Ապրիլի 20-ին, ժամը 22.50-ին, ոստիկանության Թումանյանի բաժինում ահազանգ էր ստացվել, որ Սանահին կայարան թաղամասում գտնվող խանութում պայթյուն է տեղի ունեցել:
Մեկնած օպերատիվ խումբը պարզել է, որ ապրիլի 20-ին, ժամը 22.00-ի սահմաններում, Սանահին կայարանի թիվ 26/1 հասցեում գտնվող, 1975 թ. ծնված Սերինե Կ.-ին պատկանող խանութում գազի արտահոսքի պատճառով պայթյուն է տեղի ունեցել, ինչի հետևանքով վնասվել է խանութի գույքը և ապրանքները:
Վնասի չափը պարզվում է:
Կատարվում է քննություն:
ՀՀ ոստիկանություն
