Մերկելը հայտարարել է Ռուսաստանի հետ ազատ առևտրի գոտի ստեղծելու կարևորության մասին
Ռուսական ТАСС լրատվական գործակալության փոխանցմամբ` Գերմանիայի կանցլեր Անգելա Մերկելը հայտարարել է Ռուսաստանի հետ ազատ առևտրի գոտի ստեղծելու կարևորության մասին: Մերկելն այդ մասին հայտարարել է Շտրալզունդե քաղաքում տեղի ունեցած տնտեսական ֆորումի ժամանակ.
«Մեզ համար նույնպես կարևոր է Ռուսաստանի հետ ազատ առևտրի մեծ գոտու հեռանկարը: Երկու երկրների միջև առկա են քաղաքական բնույթի խնդիրներ, ինչը սակայն կարելի է հաղթահարել քաղաքական երկխոսության ճանապարհով:
ԵՄ-ի հետ Ուկրաինայի ու Մոլդովայի ստորագրած Ասոցացման համաձայնագրերն ուղղված չեն Ռուսաստանի դեմ, ընդհակառակը` դրանք այդ երկրները տանում են դեպի առևտրային ընդհանուր գոտի: Մենք նրանց քայլ առ քայլ մոտեցնում ենք տնտեսական ընդհանուր տիրույթին, ինչպես մի անգամ ասել է Վլադիմիր Պուտինը` Վլադիվոստոկից մինչև Լիսաբոն»:
