Պաշտոնապես հաստատվել է Մահչուփյանի պաշտոնաթողությունը
Թուրքական Anadolu լրատվական գործակալության փոխանցմամբ՝ Թուրքիայի վարչապետի գլխավոր խորհրդական Էթյեն Մահչուփյանը տարիքի պատճառով մարտի 9-ից պաշտոնաթող է եղել: Այս մասին հայտնում են վարչապետական ապարատի աղբյուրները:
Ի պատասխան լրագրողների համապատասխան հարցման՝ նրանք հայտնել են, որ Մահչուփյանը պաշտոնաթողության պատճառով այլևս վարչապետ Ահմեթ Դավութօղլուի պաշտոնական գլխավոր խորհրդականը չէ: Նրանք ընդգծել են, որ վարչապետը կարևորություն է տալիս Մահչուփյանի հայտնած մի շարք մտքերին, որոնք նրա կողմից հնչեցվել են գլխավոր խորհրդական դառնալուց առաջ:
Սրանից առաջ թուրքական Hürriyet թերթը հայտնել էր, որ 1950 թվականի մարտի 9-ին ծնված Մահչուփյանը վարչապետի գլխավոր խորհրդականի պաշտոնին հրաժեշտ է տվել մարտի 9-ին: Երբ լրացել է Մահչուփյանի 65-ամյակը, նա ավտոմատ ազատվել է զբաղեցրած պաշտոնից:
