The New York Times-ը ծաղրանկարով է պատասխանել Թուրքիային՝ կապված Հայոց ցեղասպանության հետ
Թուրքական Son dakika լրատվական կայքի փոխանցմամբ՝ ամերիկյան հեղինակավոր The New York Times թերթն արձագանքել է Հայոց ցեղասպանության վերաբերյալ Եվրոպական խորհրդարանի ընդունած բանաձևի հանդեպ թուրքական կողմի արձագանքներին:
Թերթում հրապարակվել է ծաղրանկարիչ Պատրիկ Չապատեի ծաղրանկարը: Դրանում պատկերված է օսմանյան մի պաշտոնյա, ով կանգնած է տեղահանման տակ ընկած հայերին տեղափոխելու համար նախատեսված գնացքի մոտ և բարձրախոսով հայտարարում է.
«Մի՛ մտահոգվիր. դեռ գոյություն չունի «ցեղասպանություն» եզրույթը»: Ծաղրանկարի ձախ կողմում գրված է՝ Օսմանյան կայսրություն, 1915 թվական:
