Ստեփան Ասատրյանը 5 օր ժամանակ ունի Շիրակի թեմի առաջնորդ Միքայել արքեպիսկոպոս Աջապահյանի վերաբերյալ իր խոսքերը հերքելու համար
Դատարանը Հովհաննավանքի կարգալույծ արված հոգևոր հովվին պարտավորեցրել է վճիռն օրինական ուժի մեջ մտնելուց հետո տեսաուղերձ տարածել հերքման հետևյալ տեքստով.
«Ես՝ Ստեփան Ասատրյանս, հրապարակային հայտարարում եմ, որ Հայկական ժամանակի տաղավարում 2026 թվականի հունվարի 22-ին հարցազրույցի ժամանակ հայտնած այն տեղեկությունները, թե Միքայել Աջապահյանը տերորիզմի մասին էր խրախուսում, բանտից սպառնալիքներ էր հնչեցնում Հայաստանի Հանրապետության նկատմամբ, ինչպես նաև կին և աղջիկ ունի, բացահայտ սուտ են և չեն համապատասխանում իրականությանը: Այս հայտարարությամբ հերքում եմ իմ կողմից ներկայացված վերը հիշատակված զրպարտչական տեղեկությունները»։
Դատարանը որոշել է նաև զրպարտության համար նախկին տեր Արամից հօգուտ Միքայել սրբազանի բռնագանձել 1 մլն դրամ։
