Արդյոք էլեկտրաէներգիայի թանկացում սպասվո՞ւմ է, թե՞ ոչ
«Էլեկտրաէներգիայի սակագնի փոփոխության մասին կառավարությունը հստակ չի կարող ասել, քանի դեռ չկա հայտ, չկա հանձնաժողովի որոշում»,- այսօր ԱԺ նիստում հարցուպատասխանի ժամանակ հայտարարեց ՀՀ կառավարության աշխատակազմի ղեկավար-նախարար Դավիթ Հարությունյանը՝ պատասխանելով ՕԵԿ-ական պատագամավոր Հովհաննես Մարգարյանի հարցին` արդյոք էլեկտրաէներգիայի թանկացում սպասվո՞ւմ է, թե՞ ոչ:
Ըստ նրա՝ կանխատեսման մասով բազմաթիվ գործոններ են ազդում սակագնի վրա, մասնավորապես. եթե ունենում ենք ջրառատ տարի, արտադրվում է բավարար էժան էլէներգիա և սակագինը պահվում է եղած մակարդակին, բայց եթե ջրասակավ տարի է լինում, ՋԷԿ-երի էլէներգիան է ավելի շատ օգտագործվում, որը թանկ է:
«Կախված՝ այս տարի ինչպիսի տարի կլինի, նոր կարող ենք պատասխանել»,- ասաց Դ.Հարությունյանը:
