Վրաստանի ԱԳՆ-ը դատապարտել է ռուս-աբխազական հուշագրի ստորագրումը

Новости-Грузия լրատվական գործակալության փոխանցմամբ՝ Վրաստանի ԱԳՆ-ը դատապարտել է Ռուսաստանի ու Աբխազիայի իշխանությունների միջև ստորագրված պայմանագիրը, որն առնչվում է արտաքին քաղաքականության համակարգմանը: Վրաստանի ԱԳՆ-ը դրա ստորագրումը որակել է որպես Ռուսաստանի կողմից միջազգային իրավունքի նորմերի խախտում.

«ԱԳՆ-ը դատապարտում է տվյալ փաստը և դա գնահատում է որպես միջազգային իրավունքի նորմերի կոպիտ ոտնահարում: Աբխազիան Վրաստանի անքակտելի մասն է և միջազգային անկախ սուբյեկտ չէ: Հետևաբար նրա հետ ամեն տիպի «պայմանագիր» ստորագրելն իրենից չի ներկայացնում որևէ իրավական հետևանք:

Տվյալ հուշագրի ստորագրումը ևս մեկ անգամ հաստատում է, որ Ռուսաստանի Դաշնությունը շարունակում է Վրաստանի օկուպացված շրջանների վերջնական բռնակցմանն ուղղված քաղաքականությանը»: