Թուրքիայում «քրդական հարցի» կարգավորման համար ձևավորել են դիտորդական հանձնաժողով
Թուրքական Haber Türk հեռուստաալիքի փոխանցմամբ՝ Թուրքիայի փոխվարչապետ Յալչըն Աքդողանը և քրդամետ «Ժողովուրդների դեմոկրատական» կուսակցությունը (ԺԴԿ) համաձայնության են եկել կարգավորման գործընթացի շրջանակներում դիտորդական հանձնաժողովի ձևավորման հարցում:
Հանձնաժողովը բաղկացած է 16 մարդուց, որոնք մասնակցելու են «Քրդստանի աշխատավորական» կուսակցության (PKK) առաջնորդի հետ հետագա բանակցություններին: Ներկա դրությամբ հստակեցված են հանձնաժողովի 16 մասնակիցներից 7-ը:
Ընդգծվում է, որ դիտորդական հանձնաժողովի ձևավորումն ու նրա մասնակցությամբ հանդիպումները կլինեն բանակցային նոր ձևաչափ: Նման հանձնաժողով ձևավորելու անհրաժեշտության օգտին ավելի վաղ արտահայտվել էր PKK-ի առաջնորդ Օջալանը:
