Համաշխարհային տնտեսության ռիսկերի տասնյակը` ըստ HSBC-ի փորձագետների
HSBC ընկերությունը ներկայացրել է 2015թ-ի տասը գլոբալ ռիսկերը` իրենց իսկ խոսքերով, հաճելիից մինչև ամենավտանգավորը:
* * *
Կանխատեսումներով զբաղվող մասնագետները հաճախ հակված են գնահատելու, որ տնտեսական ցուցանիշները, այնուամենայնիվ, վերադառնում են իրենց պատմական միջին մակարդակին: Օրինակ, եթե տնտեսական աճը զգալիորեն ցածր է, ապա ըստ նրանց առաջիկայում աճի տեմպերը նորից կարագանան: Կամ, եթե գնաճի տեմպերն են շատ բարձր, ապա կնվազեն: Միևնույն ժամանակ ռազմավարություն մշակող մասնագետները միշտ հակված են մտածելու, որ իրենց սեփական ակտիվները աճի միտում ունեն. անսահմանափակ գնումների հնարավորություններ և վաճառքների սահմանափակ հնարավորություններ:
Միգուցե չափից ավելի ցինիկ է հնչում, բայց, իրականում, պատճառահետևանքային ռիսկերի կանխատեսումը ամենևին էլ հեշտ գործ չէ, և ամենայն հավանականությամբ դա էր պատճառներից մեկը, որ համաշխարհային ֆինանսական ճգնաժամը «նկատվեց» այն ժամանակ, երբ արդեն ուշ էր: Այնուամենայնիվ, երբեմն արժե պարզապես կտրվել առօրյա կանխատեսումներից և փորձել մտածել այն զարգացումների մասին, որոնք կարող են իրապես փչացնել կանխատեսված իրավիճակը:
Մեր կանխատեսած տասը ռիսկերից և ոչ մեկը գուցե երբեք իրականություն չդառնա: Այնուամենայնիվ, կարծում ենք, որ դրանք մտածելու տեղիք են տալիս՝ դրանցից որոշները հիշեցնում են բարի երազներ, մյուսները՝ մղձավանջ: Այսպիսով, մենք ռիսկերը բաժանել ենք երեք հիմնական խմբի՝ (i) տնտեսական աճը խոչընդոտող ռիսկեր, (ii) քաղաքական ռիսկեր և (iii) շուկայական ռիսկեր: Մենք նաև փորձել ենք ոչ միայն ներկայացնել ռիսկերի բնույթը, այլև դրանց ազդեցության հետևանքները շուկայի վրա, ինչը պակաս կարևոր չէ:
Տնտեսական աճը խոչընդոտող ռիսկեր
- Համաշխարհային տնտեսական ճգնաժամ
- Անկայուն տնտեսական իրավիճակի ներթափանցում եվրոպական ծայրամասային երկրներց դեպի կենտրոնական զարգացած երկրներ
- Չինաստանի տնտեսության կտրուկ անկում
- Զարգացող շուկաներում իրականացվող լայնածավալ բարեփոխումներ
Քաղաքական ռիսկեր
- Վաղաժամ խստացումներ ԱՄՆ ֆեդեռալ Ռեզերվային Համակարգի կողմից
- Եվրոպական կենտրոնական բանկի հիասթափեցնող քաղաքականություն
- Ճապոնիայի Կենտրոնական Բանկի կողմից ընդունված դրամական էմիսիայի իրականացման քաղաքականություն, Ճապոնիայի թուլացող տնտեսությունը սատարելու նպատակով:
Շուկայական ռիսկեր
- Դոլարի կտրուկ ուժեղացում
- Նավթի գների կտրուկ աճ
- Իրացվելիության «սև անցքը»
Կարևոր պարզաբանումներ
- Սույն հետազոտության ամսաթիվը՝ 09 դեկտեմբերի, 2014թ.
- Սույն հետազոտության մեջ ներառված բոլոր տվյալները 08 դեկտեմբերի, 2014թ-ի դրությամբ են, եթե այլ բան նշված չէ փաստաթղթում:
- Սույն հետազոտությունը ունի բացառապես տեղեկատվական բնույթ և չպետք է ընկալվի որպես առաջարկ կամ միջնորդություն: Փաստաթղթում տեղ գտած խորհրդատվությունը ընդհանրական է և չպետք է դիտարկվի որպես անհատական խորհուրդ, քանի որ այնտեղ հաշվի չեն առնվել որևէ կոնկրետ ներդրողի նպատակ, ֆինանսական վիճակ կամ կարիքներ: Ամբողջական պարզաբանումներին ծանոթանալու համար կարդացեք Top 10 risks for 2015:
