Սերգո Կարապետյանը փողոցային խոսակցությունները չի մեկնաբանում
«Ես փողոցային խոսակցությունները չեմ մեկնաբանում»,- այսօր տարեվերջյան ամփոփիչ ասուլիսի ժամանակ հայտարարեց ՀՀ գյուղատնտեսության նախարար Սերգո Կարապետյանը` պատասխանելով 168.am-ի հարցին, թե ի՞նչ կարծիքի է գյուղատնտեսության և բնապահպանության նախարարությունների վերակազմավորման և միավորման մասին, և իր պաշտոնավարման հարցը քննարկվե՞լ է արդյոք:
Մեր դիտարկմանը, որ ՀՀ վարչապետ Հովիկ Աբրահամյանն է խոսել կառավարության կառուցվածքի օպտիմալացման անհրաժեշտության մասին, Ս. Կարապետյանը հակադարձեց, թե չնայած օպտիմալացման մասին խոսք գնացել է, սակայն նշված նախարարությունների միավորման մասին՝ ոչ:
«Օպտիմալացում ասվել է, բայց ասվե՞լ է, որ բնապահպանության ու գյուղատնտեսության նախարարությունը միացնում են իրար: Վարչապետն էդպիսի բան է ասե՞լ,- ասաց Ս.Կարապետյանն ու հավելեց,- Օպտիմալացում միշտ էլ լինում է, կյանքը զարգանում է, կյանքը առաջ է գնում, միշտ օպտիմալացում է գնում, վերակառուցում է գնում: Իհարկե, պիտի լինի»:
