Իլհամ Ալիևը նոր բնակարաններ է հատկացրել գերեվարված դիվերսանտների ընտանիքներին

Oxu.Az-ի փոխանցմամբ` սոցցանցերում տեղեկատվություն է տարածվել այն մասին, որ Ադրբեջանի նախագահ Իլհամ Ալիևը նոր բնակարաններ է տրամադրել Քարվաճառում գերեվարված դիվերսանտներ Դիլգամ Ասկերովի ու Շահբազ Գուլիևի, ինչպես նաև դիմադրություն ցույց տալու ժամանակ սպանված Հասան Հասանովի ընտանիքներին:

Այդ հրահանգն արձակել է Ադրբեջանի փոխվարչապետ Ալի Հասանովը, ով էլ լրագրողներին հայտնել է այդ մասին: Տվյալ տեղեկատվությունը հաստատել են նաև Ադրբեջանի փախստականների ու հարկադիր վերաբնակների գործերով Պետական հանձնաժողովում: