Ուղղաթիռի միջադեպը վկայեց, որ անհրաժեշտ է շուտափույթ կարգավորել ԼՂ-ի խնդիրը. Բաքվում Թուրքիայի դեսպան
Ռուսական Regnum լրատվական գործակալության փոխանցմամբ՝ ԼՂՀ ՌՕՈՒ-ի ուղղաթիռի խոցումն ապացուցեց, որ անհրաժեշտ է կարճ ժամանակահատվածում կարգավորել Ղարաբաղյան հակամարտությունը: Այս մասին այսօր հայտարարել է Ադրբեջանում Թուրքիայի դեսպան Իսմայիլ Ալփեր Ջոշքունը.
«Ուղղաթիռի միջադեպը հետաքննելիս անհրաժեշտ է ուսումնասիրել նաև այն հարցը, թե ինչու ցայժմ լուծված չէ Ղարաբաղյան հակամարտությունը: Հարցը կարելի է դիտարկել նրա հետ կապելով, թե ինչպես են զարգանում իրադարձությունները, գործընթացները: Հիմնական հարցն այն է, թե ինչու ցայժմ չեն վերադարձվել ադրբեջանական հողերը: Դա նույնպես պետք է ուսումնասիրվի»:
