Հայաստանը ԵՏՄ-ում երեք ներկայացուցիչ կունենա՝ մեկ ձայնի իրավունքով

ԻՏԱՌ-ՏԱՍՍ-ի փոխանցմամբ՝ Հայաստանը Եվրասիական տնտեսական միությանը անդամակցելուց հետո մինչեւ 2015թ. ավարտը Եվրասիական տնտեսական հանձնաժողովի կոլեգիայում կներկայացվի երեք անդամով՝ մեկ ձայնի իրավունքով: Այսպիսի դրույթ է առկա Եվրասիական տնտեսական միությանը Հայաստանի անդամակցության մասին պայմանագրում, որը հրապարկվել է հանձնաժողովի կայքում:

Փաստաթղթում նշվում է, որ Հայաստանի ներկայացուցիչներն իրենց գործառույթները կիրականցնեն մինչեւ լիազորությունների ժամկետի, այսինքն՝ մինչեւ 2015թ. ավարտը: