Թե՞յ, թե՞ սուրճ. երբ և ինչ ազդեցություն կարող են ունենալ
131 հազար հաճախորդների շրջանում իրականացված հետազոտության արդյունքները ցույց են տվել, որ թեյի բաղադրության մեջ մտնող հակաօքսիդանտները սրտանոթային համակարգի հետ կապ չունեցող հիվանդություններից մահացության ռիսկը 24 տոկոսի չափով նվազեցնելու հատկություն ունեն: Այս մասին գրում է Aroxj.am-ը:
Հետազոտությունը անցկացվել է հետևյալ կերպ` մասնակիցները բաժանվել են մի քանի խմբերի` կախված այն հանգամանքից, թե օրը որքան թեյ և սուրճ են խմում: Գրեթե 4 տարի շարունակ հետևել են նրանց առողջական վիճակին:
Ուսումնասիրության արդյունքում պարզվել է, որ սուրճի և թեյի սպառումից առաջացող ազդեցությունները մեկը մյուսի հայելային արտացոլանքն են: Եթե թեյը տարբեր հիվանդություններից մահացության ռիսկի կրճատմամբ է աչքի ընկնում, ինչը հատկապես ծխողների և սիգարետից հրաժարվածների պարագայում է նկատելի, սուրճն, ընդհակառակը, խթանում է դրանց:
Ստացվում է, որ սուրճին նախապատվություն տվող մարդկանց մոտ, թեյի սիրահարների համեմատությամբ, բոլոր տեսակի հիվանդությունների առաջացման բարձր ռիսկ է նկատվում:
Տղամարդիկ, կանանց հետ համեմատությամբ, անհամեմատ շատ են սուրճ խմում: Իգական սեռի ներկայացուցչներն էլ, որպես կանոն, ավելի շատ թեյին են նախապատվություն տալիս:
