Բոտոքս և անձնական խոհարար. Թինա Կանդելակին բացահայտել է իր երիտասարդության գաղտնիքը
Նոյեմբերի 10-ին մեր օրերի ամենահեղինակավոր պրոդյուսերներից և հեռուստահաղորդավարուհիներից մեկը՝ Թինա Կանդելակին, դարձավ 50 տարեկան։ Այդ առիթով Կանդելակին, ով սոցիալական ցանցերն օգտագործում է տարբեր առիթների համար նախատեսված իր սեփական մեջբերումները հրապարակելու համար, իր հետևորդների հետ կիսվել է երիտասարդությունն ու գեղեցկությունը պահպանելու գաղտնիքներով։
«Ես ամեն օր տնային պրոցեդուրաներ եմ անում՝ մի ամբողջ ժամ։ Դա իմ ռեժիմի կարևոր մասն է կազմում։ Ես անում եմ անհրաժեշտ նվազագույնը։ Ոչ մի պլաստիկ վիրահատություն։ Ես լիովին բաց եմ բոտոքսի ներարկումների համար։ Ես այն խորհուրդ եմ տալիս բոլորին, բայց ես այն ստանում եմ նյարդաբանության պրոֆեսորից, այլ ոչ թե կոսմետոլոգներից»,- գրել է Թինան։
Բայց ամենակարևորը, ինչպես կարծում է Կանդելակին, սնունդն ու քունն են. «Այո՛, ես խոհարար ունեմ։ Ճաշացանկը հատուկ ինձ համար է մշակված։ Ես միս չեմ ուտում. ծովամթերքն ու ձուկը կազմում են իմ սպիտակուցի հիմնական մասը»:
Հեռուստահաղորդավարուհին խորհուրդ է տալիս անքնության դեմ պայքարել կարդալով. «Ամենահեշտ ճանապարհը կարդալն է։ Դուք պետք է անջատվեք ձեր հեռախոսից և կարդաք։ Վերցրեք գիրք, կարդացեք, և դուք կքնեք 10-րդ էջում»:
