Իհսանօղլուն պնդում է, որ սկսել է սպառնալիքներ ստանալ
Թուրքական Haber 7 հեռուստաալիքի փոխանցմամբ՝ թուրքական ընդդիմության միասնական թեկնածու, Իսլամական համագորածակցություն կազմակերպության նախկին ղեկավար Էքմելեդդին Իհսանօղլուն հայտարարել է, որ իրեն սկսել են սպառնալ:
Իհսանօղլուն մանրամասնել է, որ սպառնալիքներ է ստացել այն բանից հետո, ինչ երկրի նախագահի պաշտոնում առաջադրել է իր թեկնածությունը: Նա ընդգծել է, որ իրեն սպառնացողները չեն կարող հասնել իրենց նպատակներին: Բացի այդ, հաղորդվել է, որ երբ Իհսանօղլուն Այվանսարայում մասնակցել է երեկույթի, հնչել են կրակոցներ:
Թուրքիայում նախագահական ընտրություններն անցկացվելու են օգոստոսի 10-ին:
Հիշեցնենք, որ սրանից առաջ հաղորդվել էր Էրդողանի դեմ «մահափորձերի», նրա ավտոշարասյան վթարի մասին: Նախագահական ընտրություններից առաջ նման լուրերի հրապարակումը միտված է ընտրազանգվածի շրջանում թեկնածուների վարկանիշը բարձրացնելուն:
