Ուկրաինայի նորանշանակ պաշտպանության նախարարը խոստացել է հաղթական զորահանդես անցկացնել Սևաստոպոլում
Ukrinform-ի փոխանցմամբ՝ Ուկրաինայի նորանշանակ պաշտպանության նախարար Վալերի Գելետեյն ուկրաինացիներին խոստացել է հաղթանակի զորահանդես անցկացնել Սևաստոպոլում: Գելետեյն այդ մասին հայտարարել է Ուկրաինայի Գերագույն ռադայում ունեցած ելույթի ժամանակ.
«Մենք կապահովենք անդորր ու համաձայնություն մեր երկրում: Վստահ եղեք, որ կլինեն բազում հաղթանակներ: Ես վստահ եմ, որ Ուկրաինան կհաղթի: Հավատացեք ինձ, որ կլինի հաղթանակի զորահանդես, անպայմանորեն կլինի ուկրաինական Սևաստոպոլում»:
Միևնույն ժամանակ Գելետեյը շնորհակալություն է հայտնել իր նախորդին՝ Միխայիլ Կովալին, ով կարողացել է Ուկրաինայում կանգնեցնել անաջատողականությունը:
