Ուկրաինան ունի պաշտպանության նոր նախարար
ZN.UA-ի փոխանցմամբ՝ Ուկրաինայի Գերագույն ռադան Վալերի Գելետեյին այսօր նշանակել է Ուկրաինայի պաշտպանության նախարարի պաշտոնում: Նրա թեկնածությունը Գերագույն ռադային ներկայացրել էր երկրի նախագահ Պյոտր Պորոշենկոն:
Գելետեյի թեկնածության օգտին Գերագույն ռադայում արտահայտվել է 260 պատգամավոր: Բացի այդ, Գերագույն ռադան Միխայիլ Կովալին ազատել է երկրի պաշտպանության նախարարի պաշտոնակատարի պաշտոնից: Տվյալ որոշման օգտին քվեարկել է 327 պատգամավոր:
Վալերի Գելետեյը հայտնի է նրանով, որ Վիկտոր Յուշչենկոյի նախագահության ժամանակ՝ 2007-2009 թվականներին, գլխավորել է Պետական պահպանման վարչությունը: Այս տարվա մարտին Ուկրաինայի նախագահի պաշտոնակատար, Գերագույն ռադայի նախագահ Ալեքսանդր Տուրչինովը նրան նշանակել էր դարձյալ տվալ պաշտոնում:
