Թուրքիան մեծացնում է TANAP գազատարի նախագծում իր մասնաբաժինը
Ադրբեջանական Trend լրատվական գործակալության փոխանցմամբ՝ Թուրքիայի ու Ադրբեջանի էներգետիկայի նախարարներ Թաներ Յըլդըզն ու Նատիգ Ալիևն այսօր Ստամբուլում ստորագրելու են «Անդրանատոլիական» գազատարի (TANAP) նախագծում Թուրքիայի մասնաբաժինը մինչև 30 տոկոսի հասցնող համաձայնագիր:
Ներկա դրությամբ TANAP-ի նախագծում Թուրքիայի մասնաբաժինը կազմում է 20 տոկոս: Ավելի վաղ ադրբեջանական SOCAR-ը հայտարարել էր, որ մտադիր է գազատարի նախագծում իր 80 տոկոսանոց մասնաբաժինը նվազեցնել մինչև 51 տոկոսի: Նախագծի 12 տոկոսանոց բաժնեմասը որոշել է գնել բրիտանական BP ընկերությունը:
