Լիբիայի արևելքում գրանցված բախումների հետևանքով զոհվել է մոտ 80 մարդ
France-Presse լրատվական գործակալության փոխանցմամբ՝ Լիբիայի արևելքում գտնվող Բենղազի քաղաքում զինվորականների ու իսլամականների միջև բախումներ են գրանցվել, ինչի հետևանքով՝ ճշգրտված տվյալներով, զոհվել է 79 և վիրավորվել է 141 մարդ:
Ավելի վաղ հաղորդվել էր 43 սպանվածի ու ավելի քան 100 վիրավորի մասին: Բենղազիում զինվորականների ու իսլամականների միջև բախումները սկսվել են մայիսի 16-ին: Զինյալներին դիմակայելու ու նրանց բազաները ոչնչացնելու համար գործի է դրվել ավիացիա:
