Ուկրաինան պատրաստ է փակել Ռուսաստանի հետ սահմանը
Ուկրաինական UNIAN լրատվական գործակալության փոխանցմամբ՝ Ուկրաինայի պետական սահմանային ծառայությունը պատրաստ է փակել Ռուսաստանի հետ սահմանային անցակետերը, եթե կրկնվեն տեղաբնակների կամ զինյալների կողմից դրանք արգելափակելու կամ էլ գրավելու փորձերը.
Այս մասին այսօր Կիևում լրագրողների հետ զրույցում հայտնել է Ուկրաինայի պետական սահմանային ծառայության մամլո ծառայության ղեկավար Սերգեյ Աստախովը.
«Եթե շարունակվեն սահմանային անցակետերը գրավելու կամ արգելափակելու փորձերը, ապա սահմանային ծառայությանը ոչինչ չի մնա, բացի այդ անցակետերը փակելը»: Աստախովը չի բացառել, որ կարող է սահմանափակվել տվյալ անցակետերով տրանսպորտային միջոցների տեղաշարժը:
