Ռուսական զորքերը դադարեցրել են սադրանքները. ուկրաինացի սահմանապահներ
Ուկրաինական UNIAN լրատվական գործակալության փոխանցմամբ՝ Ուկրաինայի պետական սահմանային ծառայությունը հայտարարել է, որ ներկա դրությամբ ռուս զինվորականները դադարեցրել են սադրանքներ կիրառել պետական սահմանի մերձակայքում. «Ներկայումս սահմանի մոտ չկա անմիջական մոտեցում»:
Ավելի վաղ հաղորդվել էր, թե ռուսական զորքերն ու զրահատեխնիկան սադրելու նպատակով Ուկրաինայի սահմանին են մոտեցել 300-500 մետր հեռավորության վրա: Մայիսի 12-ին Ուկրաինայի Ազգային գվարդիայի հրամանատար Ստեպան Պոլտորակը հայտարարել էր, որ ռուսական զորքերն Ուկրաինայի սահմանի մոտ իրականացնում են սադրիչ գործունեություն:
