Մայիսի 11-ին Ուկրաինայի արևելքում նշանակված հանրաքվեն ապօրինի է. ԵՄ
ZN.UA-ի փոխանցմամբ՝ ԵՄ-ը հայտարարում է, որ մայիսի 11-ին Ուկրաինայի արևելքում նշանակված հանրաքվեն ապօրինի է, և որ այն կհանգեցնի իրավիճակի հետագա էսկալացիային: Այս մասին հայտարարել է ԵՄ-ի դիվանագիտության ղեկավար Քեթրին Էշթոնի ներկայացուցիչ Մայա Կոչիյանչիչը.
«Երբ մենք խոսում ենք այդ հանրաքվեի մասին, ապա կարծում ենք, որ այն չպետք է անցկացվի, քանի որ ԵՄ-ն աջակցում է Ուկրաինայի ինքնիշխանությանն ու տարածքային ամբողջականությանը: Այդպիսի հանրաքվեն ապօրինի է և կհանգեցնի իրավիճակի հետագա էսկալացմանը»:
Կոչիյանչիչի խոսքերով՝ Բրյուսելում ուշադրություն են դարձրել Ռուսաստանի նախագահ Վլադիմիր Պուտինի վերջին հայտարարության վրա՝ կապված այդ հանրաքվեի անցկացումը հետաձգելու հետ. «Մենք ուշադիր հետևում ենք իրավիճակին: Կարևոր է, որ խոսքին հաջորդի գործը»:
